|
|
马上注册正妹帐号
您需要 登录 才可以下载或查看，没有账号？立即註冊
x
《黑暗》中的最大亮点 Lily James
呢个新年电影档期真可谓好戏连场，你想激励人心嘅有《大娱乐家》、你想爽快大笑嘅有《逃出魔幻纪》、你想感动流泪嘅又有《玩转极乐园》，但如果你想欣赏精湛演技、精细剧本嘅话就一定要睇《黑暗对峙》(Darkest Hour)。首先Gary Oldman(即系路兰版《蝙蝠侠》入面嘅戈登探长)饰演二战时走马上任嘅英国总理邱吉尔，造型维肖维妙之外，完全模仿其含煳不清嘅说话方法亦令人敬佩，加上成功表现出邱吉尔变化不定嘅情绪以及面对「求战/求和」嘅矛盾心情，难怪有人话佢系黎紧奥斯卡男主角嘅有力竞争者。其次，电影入面都仲有一大「亮点」，就系饰演邱吉尔秘书Layton小姐嘅Lily James！于《Baby Driver》中饰演DeboraLily今年28岁，出道初期曾参演英国着名剧集《唐顿庄园》，成名作系2015年迪士尼真人版《仙履奇缘》，最近嘅作品就系《Darkest Hour》，以及上年大受好评嘅「歌舞飞车片」《Baby Driver》(饰演Baby嘅服务生女友)。喺《Darkest Hour》中佢饰演邱吉尔秘书Elizabeth Layton，跟随邱吉尔接任首相、准备二战、以及策划「邓寇克大逃亡」，而佢嘅主要职责就系为首相以打字机准备各类信件及演词。邱吉尔本身文学根底深厚，演说亦情绪丰富，而Layton就系见证佢于压力下写下一篇又一篇着够演说嘅见证人。除此之外，本身系靓女嘅Lily James亦为呢套以男人为主嘅电影添上一点嫣红，可以话系紧张气氛下对观众嘅调剂。有好演技、好剧本、仲有靓女，《Darkest Hour》真系不容错过架！ |
|
发表于 2018-1-16 18:59:59
變色卡