「本体」出道多年 Margot Robbie系复制人？

論壇管理員

「本体」出道多年 Margot Robbie系复制人？

以Harley Quinn广为人知嘅Margot Robbie人又靓又好戏，而且同Jennifer Lawrence一样都系爽朗傻大姐，所以成为唔少人心目中嘅女神。但近日有网民就指Margot Robbie其实系「复制人」，其「本体」更加出道超过20年？

当然系讲笑啦，实情系有网民发现模特儿出身、曾经参演过2006年电影《生死格斗(DOA: Dead or Alive)》嘅美国女演员Jaime Pressly竟然同Margot Robbie极度似样。两位同样拥有突出嘅颧骨，丰满嘅下唇，一样都系天生金髮、同时亦有蓝眼珠，除咗年龄(Margot 27岁，Jaime 40岁)同身高(Margot 5尺6，Jaime 5尺5)之外，二人外表上真系几可乱真。就连Jaime本身都曾经喺2016年承认两人好相似——不过以佢嘅说法系「Margot好似我」。

咁究竟两人似到咩地步？单凭上面啲相你系咪分唔出边个系Margot、边个Jaime？噢分唔出系正常嘅，因为上面所有相都系Jaime黎，而如果连你哋认错其中一个半个系Margot，可想而知佢两个有几似。不过又唔使唔开心，将佢两个放埋一齐你就知道根本唔系你嘅错啦。